சுவையான மட்டன் கிரேவி

மட்டன் கிரேவி செய்முறை:

முதலில் மட்டன் மற்றும் மஞ்சள்தூள், உப்பு ஆகியவற்றை சேர்த்து ஒரு குக்கரில் 4 விசில் வரை வைக்கவும். பிறகு, ஒரு கடாயில் எண்ணெய் ஊற்றி அதில் பட்டை, கிராம்பு மற்றும் ஏலக்காய் சேர்த்து அதனுடன் பொடியாக நறுக்கிய வெங்காயத்தை சேர்த்து நன்றாக வதக்கவும். வெங்காயம் பொன்னிறமாக மாறியதும் அதில் இஞ்சி பூண்டு விழுது,கரம் மசாலா, சீரகத்தூள் மற்றும் மல்லிப்பொடி ஆகியவற்றை சேர்த்து நன்றாக வதக்கவும். தேவைக்கேற்ப மிளகாய்த்தூள் சேர்க்கவும். பிறகு அதில் நறுக்கிய தக்காளி சிறிதளவு உப்பு சேர்த்து, பிறகு குக்கரில் உள்ள மட்டனை அந்த கடாயில் கொட்டி நன்றாக வேகவிடவும். மட்டன் நன்றாக கிரேவி ஆனதும் அதில் சிறிதளவு கொத்தமல்லி தூவி இறக்கினால் சுவையான மட்டன் கிரேவி தயார்.